Iεezzugen…
Γef yiwet n tmeṭṭut, taεezzugt, ur t-sel ara maḍi, yal tasevḥit at t-awi mmi-s ɣaf warur-is watt-ruḥ ar lexla, ar uεrquv-is id teẓẓa d ivawen…Yiwen wass tella txeddem di talwit, ataya yussad yiwen wergaz d aεezzug am nettat… Yetnadi ɣaf iḥuliyen-is ruḥen-as…Iseqsat yenna-yas : atameṭṭut, ala tt-nadiɣ ɣaf lmal-iw, iḥuliyen-iw, d-lǧara nsen id tevεa alami yid-tesaweḍ ard- agi, ma tzemreḍ ayit εiwneḍ iwakken aten-id-afeɣ. Iḥuliyen-iw ttvanen, yella garasen yiwen yesrejdil… εiwen iyi kan miten-ufiɣ ad-amuddaɣ arejdal nni… Tameṭṭut ur tesli ara, ur tefhim ara dacu ized yeqqar…
Tenna- yas : Aεrquv-iw alama d dihin tewha suḍaḍ-is…
Argaz ikkemel avrid-is, iruḥ ar-wanada-ken id tewha tmeṭṭut nni dɣa imlaled iḥuliyen-is, yufat-en kessen, tetten tizzegzewt deffir n-wiyet n-tmadaɣt…Argaz yefraḥ, ijemεed lmal-is…Yuɣal ar tmeṭṭut nni akken as imud aḥuli arejdal is yenna i tazwara…Netta ulac dacu itesla, tɣil yenna-yas d-kem iyi rẓan aḥuli nni yesrejdilen…Terfa…Tenna-yas : nekk ulac dacu is-xedmeɣ iwḥuli nek, yerna tidett kan ur walaɣ ara yuk iḥuliyen d-agi. Argaz mi-g-iwala tameṭṭut terfa iɣil ur tevɣi ara arejdal nni, tevɣa win iṣeḥan yerna iqwebba. Yenna-yas, nek ur m ttmuduɣ ara wayeḍ, ad wagi imenniɣ am-tmuddeɣ…Ula d-netta yerfa…
rfan isin, amsefqaɣen, ruḥen ar lamine n taddart, ufant, ya-kkan zin-as-d madden wid id yusan asen yefru timsal nsen…Tameṭṭut d wergaz nni mazal ttnaɣen…Yentaq ɣur-sen lamin yenna-yasen: acimi akka, ɣaf acu it ttnaɣem…Tezwar tmeṭṭut tevda ameslay tenna: argaz agi yufa-iyid eg εrquv-iw xedmeɣ yenna-yid ansi tella tilist-im, sekneɣ-as ansi, kkemlaɣ cceɣel-iw, ikkemel avrid-is iruḥ ar-dqal yuɣal-ed yenna-yid d-kem iyirẓan aḥuli agi yesrejdilen…Nekk wallah ma walaɣ yuk iḥuliyen-is…!
ɣaf wancta id nusa ɣur-k…
Yenṭeq wergaz yenna: lliɣ ttnadiɣ ɣaf iḥuliyen-iw, aεreqen iyi, lǧerra nsen tebbwiyi alami d-igger n tmeṭṭut agi…Nekk niɣ-as εiwen iyi mi tnufiɣ amed muddeɣ yiwen deg ḥuliyen-iw, u niɣ-as d arejdal…Tseken-iyid anida llan, nekk ṭfaɣ deg meslay-iw, nettat tevɣa win iṣehan, yernu iqwebba…Iteḥsiḍ nekk mxella akken as muddeɣ aḥuli iṣeḥan…Dɣa lamin, mig-iwala luffan ɣaf waεrur n-tmeṭṭut nni, iɣil d imenɣi kan n twacult; netta ula lamin nni iεuzzeg akter… Yenṭeq ar wergaz yenna-yas: luffan agi d-mmi-ik, muqqel kan acḥal ik yettcavi, waqila kečč d-yir argaz…Yezi ar tmeṭṭut nni yenna-as, ɣaf wanecta tura id tussam alami d dagi, ruḥet, ruḥet …ttmeniɣ, at t-msefhamem garawen…Seɣlit-ed talwit t-thenim…
Dɣa yal wid-ak yelan yuk dina ṭarḍqen as teḍsa… Argaz nni a ttmeṭṭut mi walan, lamin n-taddart d wiyaḍ ttaḍsen, ula d nutni ttaḍsan xas akken ur fhimen ara ɣaf wacu…
Akka i tekfa yal yiwen yuɣal ar cceɣel-is…Ɣ
Qaren… diri win iɣeṣven as wawal… awi yesεan aεenqiq ɣezif akken ameslay urs nehwi at yesvlaɣ weqvel at-id-yini…